Tbilisidə əcnəbi gəncə qarşı quldurluq əməli törədən 3 nəfər saxlanıldı

Tbilisidə xarici vətəndaşa qaz tapançası ilə hücum edərək onu ölümlə hədələmək və əşyalarını oğurlamaq ittihamıyla 3 nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. “Aparılmış əməliyyat-axtarış tədbirləri nəticəsində Daxili İşlər Nazirliyinin Tbilisi Polis İdarəsinin Vake-Saburtalo Baş Polis Departamentinin əməkdaşları tərəfindən 3 nəfər: 2005-ci il təvəllüdlü S.A., 2006-cı il təvəllüdlü L.G. və D.A. qrup şəklində törədilmiş soyğunçuluq ittihamı ilə saxlanılıb”. İstintaq müəyyən edib ki, təqsirləndirilən şəxslər gecə saatlarında Tbilisidə qaz tapançasından istifadə etməklə əcnəbi vətəndaş, 2005-ci il təvəllüdlü K.B.-ya hücum ediblər. Onlar silah nümayiş etdirərək, xarici vətəndaşı öldürməklə hədələyiblər, zərəçəkəndən pul və digər əşyalar tələb ediblər. Onlar qanunsuz olaraq kompüter avadanlığı və müxtəlif bahalı əşyalar ələ keçirərək hadisə yerindən qaçıblar. Həyata keçirilən əməliyyat tədbirləri nəticəsində hüquq-mühafizə orqanlarının əməkdaşları cinayət əməlində təqsirli bilinənləri hadisədən az sonra saxlayıblar. Polis cinayətin törədilməsində istifadə olunan silahı və oğurluq zamanı ələ keçirilmiş əşyaları maddi sübut olaraq müsadirə edib. Faktla bağlı istintaq Gürcüstan Cinayət Məcəlləsinin 179-cu maddəsinin 2-ci hissəsinin “b” bəndi əsasında başladılıb, hansı ki, qrup halında törədilən soyğunçuluğu nəzərdə tutur”,- deyə DİN-in bəyanatında bildirilir. Qeyd edilir ki, saxlanılan şəxsləri 11 ildən 15 ilədək həbs cəzası gözləyir.

www.24news.ge

Tbilisidə əcnəbi gəncə qarşı quldurluq əməli törədən 3 nəfər saxlanıldı

Digər xəbərlər