Nika Meliya hakimə su atdığı üçün məhkəməyə hörmətsizlikdə ittiham olunur

Prokurorluq "Dəyişiklik Koalisiyası"nın lideri Nika Meliyaya qarşı yeni ittiham irəli sürüb. Siyasətçi, məhkəmə prosesində hakimə qarşı təhqiramiz davranışlarına görə məhkəməyə hörmətsizlikdə ittiham olunur. 24News.ge xəbər verir ki, hadisə bu ilin 30 may tarixində Tbilisi Şəhər Məhkəməsində baş verib. Məhkəmə iclası zamanı Meliya məhkəmə zalında hakimi — İrakli Şvangiradzeyə su ataraq onu təhqir etmişdi. Prokurorluq bildirir ki, bu əməllə Meliya Cinayət Məcəlləsinin 366-cı maddəsinin 2-ci bəndi üzrə — hakimi təhqir etməklə ifadə olunan məhkəməyə hörmətsizlik maddəsi ilə ittiham olunur. Sözügedən maddə üzrə 2 ilədək azadlıqdan məhrumetmə cəzası nəzərdə tutulur. Qurum yaxın günlərdə məhkəməyə müraciət edərək Nika Meliyanın barəsində həbs-qətimkan tədbirinin seçilməsini tələb edəcək.

www.24news.ge

Nika Meliya hakimə su atdığı üçün məhkəməyə hörmətsizlikdə ittiham olunur

Digər xəbərlər