Azərbaycan və Gürcüstan parlament rəsmiləri əməkdaşlıq perspektivlərini müzakirə ediblər (VİDEO)

3–4 iyun tarixlərində Gürcüstanda səfərdə olan Azərbaycan Respublikası Milli Məclisinin Müdafiə, Təhlükəsizlik və Korrupsiya ilə Mübarizə Komitəsinin, Elm və Təhsil, həmçinin Gənclər və İdman komitələrinin sədrləri parlamentin sədri Şalva Papuaşvili ilə görüşüblər. 24News.ge xəbər verir ki, görüşdə Azərbaycan və Gürcüstan parlamentləri arasında əməkdaşlıq əlaqələrinin möhkəmləndirilməsi, elm və təhsil, gənclər və idman siyasəti sahələrində birgə fəaliyyətin genişləndirilməsi, qanunvericilik sahəsində təcrübə mübadiləsi məsələləri müzakirə olunub. Tərəflər, həmçinin iki ölkənin gəncləri arasında əməkdaşlığın gücləndirilməsi məqsədilə birgə forumların, görüşlərin və yay düşərgələrinin təşkilinə dair fikir mübadiləsi aparıblar. Görüşdən sonra jurnalistlərə açıqlama verən Milli Məclisin Gürcüstanla parlamentlərarası əlaqələr üzrə işçi qrupunun rəhbəri Arzu Nağıyev səfərin əhəmiyyətindən və əldə olunan razılaşmalardan bəhs edib. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Azərbaycan və Gürcüstan parlament rəsmiləri əməkdaşlıq perspektivlərini müzakirə ediblər (VİDEO)

Digər xəbərlər