ბოკუჩავა: რუბიოს განცხადება არის პირველი სიგნალი, რომ დონალდ ტრამპის ადმინისტრაციის მხრიდან ბევრ სხვა ნაბიჯებს ვიხილავთ

ამერიკის შეერთებული შტატების სახელმწიფო მდივნის მიერ "ქართული ოცნების" მიმართებით გაჟღერებულ მკაცრ გზავნილებთან დაკავშირებით "ერთიანობა - ნაციონალური მოძრაობის" თავმჯდომარე პირველ კომენტარს აკეთებს. თინა ბოკუჩავა "ტვ პირველის" პირდაპირ ეთერში აცხადებს, რომ მარკო რუბიოს მიერ "ქართული ოცნების" ხელისუფლების "ანტიამერიკულ მთავრობად" გამოცხადება არის სიგნალი იმისა, რომ ქართული საზოგადოება დონალდ ტრამპის ადმინისტრაციის მხრიდან ივანიშვილის რეჟიმის პოლიტიკის მიმართ საპასუხო ნაბიჯებს იხილავს. ეს განცხადება მარკო რუბიოს მხრიდან ღიად აცხადებს რამდენიმე რამეს, რისი სხვაგვარად ინტერპრეტირებაც შეუძლებელია. ერთი, ის ადასტურებს კონგრესმენი ჯო უილსონის კითხვაზე, რომ დღეს საქართველოს ღიად ანტიამერიკული ხელისუფლება ჰყავს. მეორე, ის ადასტურებს, რომ პრეზიდენტი დონალდ ტრამპის პირობებში ამერიკის საგარეო პოლიტიკა ამერიკის ეროვნულ ინტერესებზე იგება აგებული. შემდეგ ამ ორ რამეს აკავშირებს და ამბობს, რამდენად არის ამერიკის ეროვნულ ინტერესში ის, რომ მსოფლიოს ასეთ მნიშვნელოვან წერტილში ქვეყანას ანტიამერიკული მთავრობა მართავდეს და თუ არ არის, რაც ბუნებრივია არ არის და ეს იგულისხმება, მაშინ შესაბამის ზომას მივიღებთო. მან დაამატა, რომ ეს ზომები ახლა განიხილება... დღევანდელი ღია განცხადება არის პირველი სიგნალი, რომ ბევრ სხვა ნაბიჯებს ვიხილავთ დონალდ ტრამპის ადმინისტრაციის მხრიდან." - განაცხადა თინა ბოკუჩავამ. ამასთან, ოპოზიციონერმა პოლიტიკოსმა ამერიკის შეერთებულ შტატებში, კონგრესმენ ჯო უილსონთან გამართული შეხვედრის დეტალებზეც ისაუბრა და თქვა, რომ ჰელსინკის კომისიის თანათავმჯდომარესთან საქართველოს ეროვნული ინტერესები, მათ შორის, სირიის ახალი ხელისუფლების მხრიდან ქვეყნის ოკუპირებული რეგიონების არაღიარების საკითხი განიხილეს. ამერიკაში ვიზიტის დროს ჯო უილოსთან ვრცელი და მნიშვნელოვანი სამუშაო შეხვედრა გვქონდა, სადაც განვიხილეთ ეროვნული ინტერესის საკითხი, როგორიც არის მათ შორის სირიის ახალი ხელისუფლების მხრიდან საქართველოს ოკუპირებული რეგიონების აღიარების უკან წაღება... ვიცით, რომ აღნიშნული კომუნიკაცია მას უკვე ჰქონდა სირიის ახალ ხელისუფლებასთან და ახლა მნიშვნელოვანია, რომ ეს აღმასრულებელ ხელისუფლებაშიც ავიდეს, რადგან სახელმწიფო დეპარტამენტმაც დააყენოს ეს საკითხი სირიის ხელისუფლებასთან..." - განაცხადა თინა ბოკუჩავამ. ცნობისთვის, ამერიკის შეერთებული შტატების სახელმწიფო მდივანმა "ქართული ოცნების" ხელისუფლებას "ანტიამერიკული მთავრობა" უწოდა - მარკო რუბიომ აშშ-ის კონგრესის ქვედა პალატის საგარეო საქმეთა კომიტეტზე გამოსვლის დროს, ჯო უილსონის კითხვის საპასუხოდ დაანონსა ისიც, რომ ამერიკა ივანიშვილის რეჟიმის წინააღმდეგ "ზომებს მიიღებს".

www.24news.ge

სხვა სიახლეები