Gürcüstan pasportundan imtina edən vətəndaşların sayı açıqlanıb

Ötən il Gürcüstanda 1 592 nəfər ölkə vətəndaşlığını itirib. Bu barədə 24News.ge Gürcüstanın Milli Statistika İdarəsinin illik hesabatına istinadən məlumat verir. Məlumata görə, vətəndaşlığın itirilməsi hallarının əsas səbəbi digər ölkənin vətəndaşlığının qazanılması olub. 2024-cü ildə Gürcüstan vətəndaşlığından çıxanlar arasında Rusiya vətəndaşlığı alanlar 802 nəfərlə üstünlük təşkil edib. Eyni zamanda ötən il Gürcüstan vətəndaşlığı qazananların sayı 3 587 nəfər olub. Onların arasında ən çox Rusiya vətəndaşları 2 361 nəfər qeydiyyata alınıb. Siyahının davamında Almaniya 251 nəfər, Ukraynanın isə 175 nəfər vətəndaşları yer alıb.

www.24news.ge

Gürcüstan pasportundan imtina edən vətəndaşların sayı açıqlanıb

Digər xəbərlər