2025-ci ildə ölkədə 3 külək stansiyası tikiləcək

2025-ci ilin sonuna kimi 3 yeni külək elektrik stansiyasının tikintisi planlaşdırılır. 24News.ge xəbər verir ki, bu barədə "Gürcüstan Dövlət Elektrik Sistemi"nin ötürücü şəbəkəsinin inkişafı üzrə onillik planda qeyd olunur. 3 stansiyanın ümumi gücü 276 MVt olmaqla, illik istehsal 1089,8 GVt/saata çatacaq. Bu il tikintisi nəzərdə tutulan külək stansiyaları bunlardır: Rikoti külək elektrik stansiyası (İmereti və Şida Kartli), Ruisi külək elektrik stansiyası (Şida Kartli), Niqoza külək elektrik stansiyası (Şida Kartli). Məlumat üçün bildirək ki, hazırda Gürcüstanda yalnız Kartli külək elektrik stansiyası mövcuddur. Kartli külək elektrik stansiyası 2024-cü ilin yanvar-noyabr aylarında 72,192 milyon kilovatsaat elektrik enerjisi istehsal edib.

www.24news.ge

2025-ci ildə ölkədə 3 külək stansiyası tikiləcək

Digər xəbərlər