Gürcüstan və Ermənistan parlament komitələri əməkdaşlıq haqqında birgə...

Givi Mikanadzenin rəhbərliyi ilə Ermənistan Respublikasında səfərdə olan Təhsil, Elm və Gənclər Komitəsinin nümayəndə heyəti Ermənistanın Elm, Təhsil, Mədəniyyət, Diaspor, Gənclər və İdman Komitəsinin sədri Sisak Qabrielyan ilə görüşüb. 24News.ge xəbər verir ki, bu barədə parlamentin mətbuat xidməti məlumat yayıb. Məlumata görə, tərəflər Ermənistan və Gürcüstanda təhsil sahəsində aparılan islahatları müzakirə ediblər. Parlamentlərarası əlaqələrin və sahə komitələri arasında əməkdaşlığın dərinləşdirilməsinə xüsusi diqqət yetirilib. Görüşün sonunda tərəflər əməkdaşlıq haqqında birgə kommünike imzalayıblar. Gürcüstan parlamentinin nümayəndə heyətinə Təhsil, Elm və Gənclər Komitəsinin sədri Givi Mikanadze və komitə üzvləri Vladimir Kaxadze və Vaxtanq Meqrelişvili daxildir. Görüşdə Gürcüstanın Ermənistan Respublikasındakı fövqəladə və səlahiyyətli səfiri Giorgi Şarvaşidze də iştirak edib.

www.24news.ge

Gürcüstan və Ermənistan parlament komitələri əməkdaşlıq haqqında birgə...

Digər xəbərlər