Gürcüstan əhalisinin əsas gəlir mənbəyi nədir? - STATİSTİKA

2022-ci ilin məlumatına görə, Gürcüstanda bir ailənin orta aylıq gəliri 19% artaraq 1453.8 lari, adambaşına düşən orta aylıq gəlir isə 18,6% artaraq 432.7 lari təşkil edib. 24News.ge xəbər verir ki, bu barədə məlumat Dövlət Statistika Kommitəsinin açıqladığı rəqəmlərdə öz əksini tapıb. 2022-ci ilin yekun statistikasına əsasən, şəhər tipli yaşayış məntəqələrində əhalinin ümumilikdə orta aylıq gəliri 967 milyon 900 min lari, kənd tipli yaşayış məntəqələrində isə 628 milyon, 100 min lari təşkil edib. Statistik məlumatlara əsasən, Gürcüstan əhalisinin əsas gəlir mənbəyi muzdlu əmək fəaliyyətinin payına düşüb ki, bu da əhalinin ümumi gəlirinin 46,1%-ni təşkil edib. 2022-ci ildə vətəndaşların başlıca gəlir mənbələri bu cür bölüşdürülüb. ●Muzdlu əmək fəaliyyəti - 46,1%; ●Pensiyalar, təqaüdlər, qrantlar - 21,6%; ●Özünüməşğulluq - 12,4%; ●Hədiyyə olaraq əldə edilən pul vəsaiti - 7,8%; ●Kənd təsərrüfatı məhsullarının satışı - 7,1%; ●Xaricdən daxil olan vəsaitlər - 4,0%; ●Əmlak (icarədən, depozitdən əld ədilən faiz) gəlirləri - 1,0%.

www.24news.ge

Gürcüstan əhalisinin əsas gəlir mənbəyi nədir? - STATİSTİKA

Digər xəbərlər