Paşinyan: “Rusiya hərbi bazasını Ermənistandan çıxarmaq istəsə, buna qarşı olmayacağıq”

Ermənistanın Baş naziri Nikol Paşinyan Rusiyanın hərbi bazasını Ermənistandan çıxarmaq qərarına qarşı olmayacaqlarını bildirib. 24News.ge xəbər verir ki, Paşinyanın sözlərinə görə, Rusiyanın Ermənistandakı 102-ci hərbi bazası ölkə üçün “həyati əhəmiyyət daşımır”. “Biz buna qarşı olmayacağıq. Lakin qalmaq istəsələr, bu məsələni də müzakirə etməyə hazırıq. Bununla belə, bütün bu müddət ərzində biz bu məsələni heç vaxt gündəliyə çıxarmamışıq”, – deyə Paşinyan bildirib. Qeyd edək ki, Rusiya Prezidenti Vladimir Putin ötən gün Ermənistanın belə qərar verməsi halında Rusiyanın hərbi bazasını ölkədən çıxarmağa hazır olduğunu açıqlayıb. “Əgər Ermənistan hesab edirsə ki, Rusiyanın hərbi bazasına artıq ehtiyac yoxdur, biz sabah çıxarıq. Amma Ermənistan buna hazırdırmı? Biz heç kimə heç nəyi zorla qəbul etdirmirik”, – deyə Putin bildirib.

www.24news.ge

Paşinyan: “Rusiya hərbi bazasını Ermənistandan çıxarmaq istəsə, buna qarşı olmayacağıq”

Digər xəbərlər