Tbilisi şəhər məhkəməsi "Salam"ın Gürcüstan Parlamentinə qarşı qaldırdığı iddianı rədd edib

Tbilisi şəhər məhkəməsi "Salam Platforması"nın "Soyadımı Qaytar" kampaniyası ilə bağlı Gürcüstan Parlamentinə qarşı qaldırdığı iddianı təmin etməyib. 24News.ge xəbər verir ki, bu barədə sözügedən platforma məlumat yayıb. Məlumata əsasən, iddia ilə bağlı qərarı 29 aprel tarixində Tbilisi Şəhər Məhkəməsinin hakimi Nino Buaçidze verib. Platforma üzvləri, hakimin petisiyaya imza atan 27 min şəxsin soyadlarına səciyyəvi soyad sonluqlarını qaytarılması tələbini görməzdən gəldiyini bildirir və mübarizəni digər instansiyalarda davam etdirəcəklərini qeyd edirlər: "Necə ki, Ədliyyə Evinin, Parlamentin verdiyi cavablar bizi mübarizəmizdən döndürmədi, dünən məhkəmənin verdiyi qərəzli qərar da bizi dayandırmaq gücündə deyil və sonuna qədər hər bir vətəndaşın bu mövzuda rəsmi olaraq qoyduğu mövqeyini uyğun instansiyalarda qorumağa davam edəcəyik", - deyə bildirilib. Xatırladaq ki, Salam Platforması Gürcüstan parlamentinə soyadlardan rus şəkilçilərinin (“ov”, “ev”, “ova”, “eva”) çıxarılması və icma üçün səciyyəvi şəkilçilərin qəbul edilməsi hüququnu tələb edən qanunvericilik təklifi təqdim edib və bu təşəbbüs çərçivəsində 45 gün ərzində 120 kənd və 13 bələdiyyədə 27 000-ə qədər imza toplanıb. Lakin qanunvericilik təşəbbüsünü Gürcüstan Parlamentinin Reqlament və Qaydalar Komitəsi qəbul etməyib. Buna görə də, Platforma komitəni məhkəməyə verib.

www.24news.ge

Tbilisi şəhər məhkəməsi "Salam"ın Gürcüstan Parlamentinə qarşı qaldırdığı iddianı rədd edib

Digər xəbərlər