Rusiya yönlü partiyanın üzvləri Marneuliyə gələrək Samirə Bayramovaya vaxt təyin ediblər

Rusiya yönlü “Konservativ Hərəkat” (Mühafizakarlar) partiyasının nümayəndələri Marneuliyə gələrək ictimai fəal Samirə Bayramovanı, “Vahid Milli Hərəkat” və “Avropalı Gürcüstan” partiyasının yerli nümayəndələrini hədələyiblər. 24News.ge xəbər verir ki, buna səbəb ötən gün Samirə Bayramovanın sözügedən partiyanın Marneuli qərargahındakı bannerlərinə Ukrayna bayrağı çəkərək “xainlər” yazması olub. Belə ki, sözügedən partiyanın 20-yə yaxın üzvü “Vahid Milli Hərəkat” (VMH) partiyasının Marneuli qərargahının qarşısına gələrək, Samirə Bayramovanın partiyanın simvolunda olan xaçı rəngləyərək onu təhqir etdiyini, buna görə də bannerlərin düzəldilib yerinə asılması üçün ona 2 gün vaxt verdiklərini, əks təqdirdə isə "VMH" və "Avropalı Gürcüstan" partiyalarının ofislərinə “layiqli” cavab verəcəklərini bildiriblər. Onlar Samirə Bayramovanın "VMH" partiyasının nümayəndəsi olduğunu, həttta partiya siyahısından Bələdiyyə Məclisinə üzv olduğunu, Avropadan aldığı qrantlarla ölkədə etnik fitnə yaratmaq istədiyini qeyd ediblər. Xatırladaq ki, Samirə Bayramova iki gün öncə sözügedən partiyanın Marneuli qərargahında bannerlərinin üzərinə Ukrayna bayrağı çəkərək “xainlər”, “Rusiya İşğalçıdır” kimi şüarlar yazmışdı.

www.24news.ge

Rusiya yönlü partiyanın üzvləri Marneuliyə gələrək Samirə Bayramovaya vaxt təyin ediblər

Digər xəbərlər