İctimai fəal Marneulidə Rusiya yönlü partiyanın ofisinə "Xain" və "Rusiya İşğalçıdır" sözləri yazıb

İctimai fəal Samirə Bayramova radikallığı ilə seçilən "Alt-İnfo" platforması tərəfindən əsası qoyulmuş "Konservant Hərəkatı" partiyasının Marneulidəki ofisini və banerini etiraz əlaməti olaraq boya ilə rəngləyib. 24News.ge xəbər verir ki, bu barədə S.Bayramova şəxsi "Facebook" hesabında paylaşım edib. Aktivist sözügedən radikal partiyanın Marneulidəki ofisinin pəncələrinə Avropa İttifaqı və Ukrayna bayraqları çəkib, həmçinin "Rusiya işğalçıdır" deyə yazıb: S. Bayramova öz sosial media hesabında deyib: "Hər hansı bir şey etməmişdən əvvəl, həmişə rəsmi yollara müraciət edirəm. Hakimiyyət və DTX təhlükəni görmür, biz isə görürük. Bu dövlət, bu ölkə xalqın sayəsində ayaqda durur. Biz bunu qoruyuruq və qoruyacağıq. Biz Rusiyanı istəmirik, bu ölkəni çox sevənlər varsa, gedib orada yaşaya bilərlər. Rusiyanı buraya gətirə bilməzsiniz. Biz Rusiya olmadan daha güclüyük. Biz daha çoxuq", - deyə Bayramova paylaşımında qeyd edib. Onun sözlərinə görə, Rusiya yönümlü "Konservant Hərəkatı" Gürcütan üçün təhdiddir.

www.24news.ge

İctimai fəal Marneulidə Rusiya yönlü partiyanın ofisinə "Xain" və "Rusiya İşğalçıdır" sözləri yazıb

Digər xəbərlər