Gürcüstan və Azərbaycan parlamentləri regional əməkdaşlığı müzakirə ediblər (FOTO)

Gürcüstan parlamentinin vitse-spikeri Nino Tsilosaninin rəhbərlik etdiyi nümayəndə heyətinin Azərbaycana səfəri çərçivəsində Azərbaycan Milli Məclisinin sədri Sahibə Qafarova ilə görüşü baş tutub. 24News.ge xəbər verir ki, Gürcüstan parlamentinin mətbuat xidmətinin məlumatına görə, görüşdə Gürcüstan və Azərbaycan arasında strateji tərəfdaşlığın, o cümlədən parlamentlərarası əlaqələrin daha da dərinləşdirilməsi məsələləri müzakirə olunub. Nino Tsilosani parlament diplomatiyasının əhəmiyyətini vurğulayıb. O qeyd edib ki, Gürcüstan parlamenti ilə Azərbaycan Milli Məclisi arasında müntəzəm və yüksək səviyyəli təmaslar iki ölkə arasındakı münasibətlərin mühüm hissəsidir. Görüşdə parlamentlərarası dostluq qrupları, müvafiq komitələr və beynəlxalq parlament formatları çərçivəsində əməkdaşlığın gücləndirilməsinə xüsusi diqqət yetirilib. Tərəflər regionda baş verən prosesləri də müzakirə edib, Cənubi Qafqazda sülh, sabitlik və iqtisadi inkişafın təmin olunması istiqamətində əməkdaşlığın əhəmiyyətini vurğulayıblar. Nino Tsilosani Gürcüstan və Azərbaycan parlamentləri arasında mövcud fəal əməkdaşlığa görə Sahibə Qafarovaya təşəkkür edib. Qeyd edək ki, Gürcüstan parlamentinin nümayəndə heyətinin tərkibinə İqtisadi Siyasət Komitəsinin sədri Şota Berekaşvili, Azərbaycan parlamenti ilə dostluq qrupunun üzvü, Təhsil, Elm və Gənclərlə İş Komitəsinin sədri Mariam Laşx, həmçinin dostluq qrupunun üzvləri Anton Obolaşvili, Savalan Mirzəyev və Zaur Darğallı daxildir.

www.24news.ge

Gürcüstan və Azərbaycan parlamentləri regional əməkdaşlığı müzakirə ediblər (FOTO)

Digər xəbərlər