17 yaşlı gənc qətlə yetirilib: Şahid ifadəsində deyib: “Bıçağı qaldırıb ona istədiyini al dedi”

Tbilisidə 17 yaşlı David Narimanidzenin qətlində təqsirləndirilən yetkinlik yaşına çatmayan şəxsin dostlarından biri hadisənin şahidi olub. 24News.ge xəbər verir ki, bunu iş üzrə prokuror Keti Sonidze açıqlayıb. Onun sözlərinə görə, şahid təqsirləndirilən şəxsin mərhuma bıçaqla zərbə endirdiyini və daha sonra ona “istədiyini al” dediyini görüb. Prokurorun sözlərinə görə, təqsirləndirilən şəxs Xudadov küçəsində yerləşən kababxanaya iki dostu ilə birlikdə gedib. İstintaqın versiyasına əsasən, hadisədən əvvəl təqsirləndirilən şəxs və mərhum arasında mübahisə yaranıb və daha sonra 17 yaşlı David Narimanidze kənara aparılaraq bıçaqla yaralanıb. O, aldığı xəsarətlər nəticəsində hadisə yerində dünyasını dəyişib. Keti Sonidzenin bildirdiyinə görə, təqsirləndirilən şəxs istintaq mərhələsində törətdiyi əməli etiraf edib və hadisənin təfərrüatları barədə ətraflı ifadə verib. Lakin sonradan vəkillə məsləhətləşdikdən sonra mövqeyini dəyişərək susmaq hüququndan istifadə edib. Prokurorluq təqsirləndirilən şəxsə Cinayət Məcəlləsinin 109-cu maddəsinin “v” bəndi ilə – xuliqanlıq motivi ilə qəsdən adam öldürmə ittihamı irəli sürüb. Bu maddə üzrə 20 ilədək azadlıqdan məhrumetmə cəzası nəzərdə tutulur. Prokurorluğun məlumatına görə, hadisə sentyabrın 10-da Tbilisidə, N. Xudadov küçəsində yerləşən kababxanada baş verib. İstintaqın versiyasına əsasən, təqsirləndirilən şəxslə süfrədə dostları ilə birlikdə olan yeniyetmə arasında mübahisə yaranıb və daha sonra hadisə bıçaqlanma ilə nəticələnib.

www.24news.ge

17 yaşlı gənc qətlə yetirilib: Şahid ifadəsində deyib: “Bıçağı qaldırıb ona istədiyini al dedi”

Digər xəbərlər