16 yaşlı yeniyetmənin yaxınları onun azadlığa buraxılmasını tələb edir (VİDEO)

Rustavi şəhərində 51 yaşlı Azərbaycan vətəndaşının ölümü ilə bağlı saxlanılan 16 yaşlı yeniyetmənin məhkəmə prosesi davam edir. 24News.ge xəbər verir ki, məhkəmə prosesində yeniyetmənin yaxınları və müəllimləri də iştirak ediblər. 30-dan çox müəllim məhkəməyə azyaşlı barədə müsbət xasiyyətnamə və rəy təqdim edib. Yeniyetmənin yaxınlarının sözlərinə görə, hadisə zamanı 16 yaşlı şəxs özünü müdafiə etmək məqsədilə soyuq silahdan istifadə edib. Azyaşlının valideynləri bildirirlər ki, 51 yaşlı şəxs onların övladını yanında işləməsi məqsədilə Rustaviyə dəvət edib. Onların sözlərinə görə, daha sonra yeniyetmə həmin şəxsin yaşadığı evdə qapalı vəziyyətdə saxlanılıb və ona qarşı cinsi zorakılığa cəhd göstərilib. Valideynlərin bildirdiyinə görə, məhz bu zaman yeniyetmə özünü müdafiə etmək üçün soyuq silahdan istifadə edib. Azyaşlının yaxınları hesab edirlər ki, övladları hadisə zamanı özünü müdafiə etdiyi halda, ona qarşı irəli sürülən ittiham və həbs qərarı ədalətsizdir. Ailə məhkəmənin işin bütün hallarını obyektiv şəkildə araşdıracağına və yeniyetmə ilə bağlı ədalətli qərar qəbul edəcəyinə ümid edir. Onlar övladlarının azadlığa buraxılmasını istəyirlər. Yeniyetmənin vəkili Əli Bədirov da müdafiə etdiyi şəxsin özünü müdafiə etdiyini bildirib. Vəkilin sözlərinə görə, azyaşlıya qarşı prokurorluq tərəfindən qəsdən adam öldürmə maddəsi ilə istintaqın başlanması düzgün hüquqi qiymətləndirmə deyil. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

16 yaşlı yeniyetmənin yaxınları onun azadlığa buraxılmasını tələb edir (VİDEO)

Digər xəbərlər