Çin Prezidenti: “Yaxın Şərqdə xarici müdaxilə rədd edilməlidir”

Yaxın Şərq xalqları öz işlərinin sahibi olaraq qalmalı, xarici müdaxilə rədd edilməlidir. 24News.ge xəbər verir ki, bunu Çinin Prezidenti Si Cinpin Misirə səfəri zamanı bildirib. Si Cinpinin sözlərinə görə, Çin region ölkələrinin sülh və təhlükəsizliklə bağlı dialoqu gücləndirməsini, Yaxın Şərq üçün yeni təhlükəsizlik arxitekturasının formalaşdırılmasını və xalqların öz gələcəklərini öz əllərinə almasını dəstəkləyir. Çin lideri qeyd edib ki, regionda ümumi təhlükəsizliyin təmin olunması üçün hərtərəfli yanaşma tətbiq edilməlidir. Onun sözlərinə görə, Yaxın Şərqdə çoxsaylı “qaynar nöqtələrin” mövcudluğu və onların bir-biri ilə sıx əlaqəli olması kompleks həll yollarının axtarılmasını zəruri edir. “Beynəlxalq ictimaiyyət, xüsusilə də xarici qüvvələr Yaxın Şərqə münasibətdə ikili standartlardan imtina etməli, region ölkələrinin suverenliyinə və ərazi bütövlüyünə hörmət etməli, regional sülh və sabitliyi qorumalıdır”, – deyə Si Cinpin bildirib.

www.24news.ge

Çin Prezidenti: “Yaxın Şərqdə xarici müdaxilə rədd edilməlidir”

Digər xəbərlər