გარდაბნის სადგურზე მგზავრები არასათანადო პირობების გამო უკმაყოფილებას გამოთქვამენ

ბაქო–თბილისი–ბაქოს მიმართულებით მოძრავი სამგზავრო მატარებლის გარდაბნის რკინიგზის სადგურზე მგზავრები არასათანადო პირობების გამო უკმაყოფილებას გამოთქვამენ. 24News.ge-სთვის მოქალაქეების მიერ მოწოდებული ინფორმაციის თანახმად, სადგურის მოსაცდელ დარბაზში დასაჯდომი ადგილების არარსებობა მგზავრებს მნიშვნელოვან დისკომფორტს უქმნის. მატარებლის მოლოდინში მყოფ ადამიანებს, მათ შორის ხანდაზმულებს, ქალებსა და მცირეწლოვანი ბავშვების მშობლებს, საათობით ფეხზე დგომა უწევთ. მოქალაქეების თქმით, საერთაშორისო მარშრუტზე მოქმედ რკინიგზის სადგურზე აუცილებელია მგზავრებისთვის მინიმალური კომფორტის უზრუნველყოფა. მათი განცხადებით, მოსაცდელი დარბაზის სკამებით აღჭურვა არა მხოლოდ მგზავრების კომფორტს გააუმჯობესებს, არამედ სადგურის მომსახურების ხარისხსაც აამაღლებს. მგზავრები შესაბამის უწყებებს პრობლემის უმოკლეს ვადაში მოგვარებისა და მოსაცდელ დარბაზში აუცილებელი პირობების შექმნისკენ მოუწოდებენ.

www.24news.ge

გარდაბნის სადგურზე მგზავრები არასათანადო პირობების გამო უკმაყოფილებას გამოთქვამენ

სხვა სიახლეები