ფატიმა ქერიმოვას მკველობაში ბრალდებული თურქმა სამართალდამცავებმა დააკავეს

ფატიმა ქერიმოვას მკველობაში ბრალდებული ემინ ალიევი თურქმა სამართალდამცავებმა დააკავეს. ინფორმაციას აზერბაიჯანული მედია Oxu ავრცელებს. როგორც მედია იუწყება, აღჯაბედის რაიონში მცხოვრები ფატიმა ქერიმოვა შეყვარებულ ქენან ალიევთან ერთად საქართველოში გაიქცა. მოგვიანებით, ქენან ალიევმა ახალგაზრდა ქალის პასპორტი დახია და აზერბაიჯანში დაბრუნებაში ხელი შეუშალა, თავად კი უკან დაბრუნდა. ფატიმა ქერიმოვამ დახმარება სთხოვა აზერბაიჯანში მყოფ ბიძაშვილს, ემინ ალიევს, რომელმაც ის დაახრჩო, შემდეგ კი საქართველოდან თურქეთში გაიქცა. ფატიმა ქერიმოვას მკვლელობის შესახებ საჯაროდ ინფორმაცია თავდაპირველად უფლებადამცველმა ბაია პატარაიამ გაავრცელა. მისი თქმით, მას რუსი ინფლუენსერი დაუკავშირდა და ახალგაზრდა აზერბაიჯანელი ქალის მკვლელობის შესახებ აცნობა. პატარაიამ შემთხვევას „შემზარავი ფემიციდი“ უწოდა და პროკურატურისგან ორგანიზაცია „საფარის“ სახელით საქმეში ჩართვას ითხოვდა. ახალგაზრდა ქალის ცხედარი ვარკეთილში, საცხოვრებელ ბინაში პოლიციამ 26 ივნისს იპოვა.

www.24news.ge

ფატიმა ქერიმოვას მკველობაში ბრალდებული თურქმა სამართალდამცავებმა დააკავეს

სხვა სიახლეები