მარნეულის მუნიციპალიტეტში ინფრასტრუქტურული პროექტები აქტიურად მიმდინარეობს (VİDEO)

მარნეულის მუნიციპალიტეტის მერიის მიერ, სოფელ ხუტორ-ლეჟბადინში, მდინარე ალგეთზე ნაპირსამაგრი სამუშაოები მიმდინარეობს. პროექტის ფარგლებში, მდინარის კალაპოტის ორივე მხარეს უსაფრთხოების უზრუნველსაყოფად 28 მეტრის სიგრძის დამცავი კედელი მოეწყობა. სამუშაოები ადგილობრივი ბიუჯეტიდან ფინანსდება და მისი ღირებულება 87 568 ლარს შეადგენს. პარალელურად, სოფელ ზემო ყულარში შიდა საუბნო გზების რეაბილიტაცია მიმდინარეობს. პროექტის ფარგლებში სამ ქუჩაზე ასფალტ-ბეტონის ახალი საფარი დაიგება, ასევე მოეწყობა სანიაღვრე და წყალარინების სისტემები. პროექტი 2026-2027 წლებში განხორციელდება და სრულად ადგილობრივი ბიუჯეტიდან ფინანსდება. მიმდინარე ინფრასტრუქტურული სამუშაოები ადგილზე დაათვალიერეს მარნეულის მუნიციპალიტეტის მერმა დაურ ისმაილოვმა, ქვემო ქართლის მხარის რწმუნებულმა ილია ჯალაღანიამ, საქართველოს პარლამენტის წევრმა ზაურ დარგალმა, რწმუნებულის პირველმა მოადგილემ იოსებ ალიბეგაშვილმა და მერის პირველმა მოადგილემ გიორგი გოდაბრელიძემ. ხელმძღვანელმა პირებმა ასევე ადგილობრივ მოსახლეობასთან შეხვედრა გამართეს, მოისმინეს მათი საჭიროებები და არსებული საკითხების მოგვარების გზებზე იმსჯელეს.

www.24news.ge

მარნეულის მუნიციპალიტეტში ინფრასტრუქტურული პროექტები აქტიურად მიმდინარეობს (VİDEO)

სხვა სიახლეები