Sürətli ödəniş terminalını qarət etməyə cəhd edən 4 nəfər saxlanılıb (VIDEO)

Daxili İşlər Nazirliyinin Tbilisi Polis Departamentinin Didube-Çuğureti Baş İdarəsinin əməkdaşları əvvəlcədən əlbir olan bir qrup tərəfindən törədilən quldurluq (qarət) cəhdi faktı ilə bağlı 4 nəfəri saxlayıblar. 24News.ge xəbər verir ki, istintaqla müəyyən edilib ki, təqsirləndirilən şəxslər Tbilisidə səhər saatlarında pul vəsaitini ələ keçirmək məqsədilə sürətli ödəniş terminalını zədələyərək onun içərisindəki pulu qanunsuz yolla götürməyə cəhd ediblər. Lakin onlar niyyətlərini həyata keçirə bilməyərək hadisə yerindən qaçıblar. Hüquq-mühafizə orqanlarının məlumatına görə, şübhəlilərin cinayəti törətməsi müxtəlif sübutlarla, o cümlədən müşahidə kameralarının görüntüləri ilə təsdiqlənir. Keçirilən operativ tədbirlər və istintaq hərəkətləri nəticəsində cinayəti törətməkdə şübhəli bilinən şəxslər təqsirləndirilən şəxs qismində saxlanılıblar. Faktla bağlı Cinayət Məcəlləsinin 178-ci maddəsinin 2-ci və 3-cü hissələri ilə istintaq aparılır. Həmin maddə 8 ilədək azadlıqdan məhrumetmə cəzasını nəzərdə tutur.

www.24news.ge

Sürətli ödəniş terminalını qarət etməyə cəhd edən 4 nəfər saxlanılıb (VIDEO)

Digər xəbərlər