Tbilisi Cümə məscidinə gələn Prezident Qurban bayramı münasibətilə müsəlman icmasını təbrik edib (FOTO)

Prezident Mixeil Kavelaşvili mayın 27-də Qurban bayramı münasibətilə Tbilisidəki Cümə məscidini ziyarət edib. 24News.ge xəbər verir ki, məscidin qarşısında Gürcüstan Prezidentini Bütün Gürcüstan Müsəlmanları İdarəsinin şeyxi Faiq Nəbiyev, idarənin Şərqi Gürcüstan üzrə müftisi Hacı Etibar Eminov və Qərbi Gürcüstan üzrə müftisi Hacı Adəm Şantadze, Azərbaycanın ölkəmizdəki səfiri Faiq Quliyev, Türkiyə səfiri Mustafa Türker Arı, İran səfiri Ali Mojani eləcə də digər müsəlman ölkələrinin Gürcüstandakı səfirləri və səfirliklərinin nümayəndələri, din xadimləri qarşılayıblar. Kavelaşvili qeyd edib ki, müsəlman icması Gürcüstan cəmiyyətinin ayrılmaz hissəsidir və ölkənin sosial-mədəni həyatında mühüm rol oynayır. Dövlət başçısı Qurban bayramının sülh, həmrəylik, mərhəmət və xeyirxahlıq kimi dəyərləri təcəssüm etdirdiyini bildirib və bütün müsəlman icmasını bayram münasibətilə təbrik edib. Prezident, həmçinin Gürcüstanda dini azadlıqların qorunmasının və bütün vətəndaşların öz dini ayinlərini sərbəst şəkildə icra etməsi üçün lazımi şəraitin yaradılmasının dövlət siyasətinin mühüm istiqamətlərindən biri olduğunu qeyd edib. Kavelaşvili Gürcüstan Patriarxı II İliyanın vəfatı zamanı Azərbaycan və Gürcüstan müsəlman icmasının öz milli və dini bayramlarını təxirə salaraq göstərdiyi həmrəyliyə görə minnətdarlığını bildirib. Prezident çıxışında deyib ki, Gürcüstan və Azərbaycan arasında mövcud olan dostluq və qardaşlıq münasibətlərinin xüsusi əhəmiyyəti var. İki ölkə arasında əməkdaşlıq qarşılıqlı hörmət və tarixi bağlar üzərində qurulub: "Prezident İlham Əliyev Gürcüstanda yaşayan azərbaycanlıların necə yaşaması, təhsil alması və dövlət dilini hansı səviyyədə bilməsi ilə də maraqlanır. Həqiqətən də bu çox vacib məsələdir. Gürcüstan vətəndaşı olan hər kəsin, milli mənsubiyyətindən asılı olmayaraq, dövlət dilini bilməsi zəruridir. Bu gün burada gənclər də iştirak edir. Bir az əvvəl yaşlı nəslin nümayəndələrindən biri mənimlə gürcü dilində danışdı və bu məni çox sevindirdi. Biz əsrlərdir bu ölkədə birlikdə yaşayırıq, bir yerdəyik və Gürcüstan bizim ümumi vətənimizdir. Buna görə də dövlət dilini bilməyimiz vacibdir. Bu, elə mühüm məsələdir ki, dövlət dilini bildikcə siz bu ölkəni daha yaxşı hiss edəcəksiniz, düşüncə imkanlarınız daha da zənginləşəcək və ölkəyə daha çox fayda vermək imkanınız olacaq. Gəlin, bu müqəddəs gündən başlayaraq bu istiqamətdə daha fəal olaq". O, Prezident İlham Əliyevi böyük dost hesab etdiyini qabardıb: "Siz də bunu bilməlisiniz. Bu gün Gürcüstanda mövcud olan sabitlik və sülh, məhz bu dostluq münasibətlərinin nəticəsidir. Bizim Azərbaycan, Türkiyə və Ermənistanla çox yaxşı münasibətlərimiz var. Ermənistan da artıq sülh yolu ilə əməkdaşlığa qoşulub. Sülh içində olan Cənubi Qafqaz ideyası məhz burada başlayıb. Bu qədim Tbilisi məhəlləsində müxtəlif xalqların və dinlərin birgə yaşayışı nümunəvi xarakter daşıyır. Biz bunu görüşümüz zamanı da xüsusi olaraq qeyd etdik". Gürcüstanın Dini Məsələlər üzrə Dövlət Agentliyinin sədri Zaza Vaşaqmadze ölkədə dini icmalara göstərilən dövlət qayğısından danışıb, Qurban bayramının məziyyətlərindən söz açıb. Qurban bayramı münasibətilə keçirilən görüşdə Gürcüstan Prezidenti Mixeil Kavelaşviliyə müsəlman icması tərəfindən simvolik hədiyyələr təqdim olunub. Tədbir zamanı icma nümayəndələri prezidentə bayram münasibətilə təşəkkürlərini ifadə edib, Gürcüstanda dini tolerantlıq və qarşılıqlı hörmət mühitinin qorunmasına göstərilən diqqəti yüksək

www.24news.ge

Tbilisi Cümə məscidinə gələn Prezident Qurban bayramı münasibətilə müsəlman icmasını təbrik edib (FOTO)

Digər xəbərlər