Satış çətinliyi Marneulidə kənd sakinlərini küçəyə çıxardı (VİDEO)

Marneuli bələdiyyəsinin Şulaveri kəndinin mərkəzində Qırıxlı, Qullar, Daştəpə, Araflı, Axılmahmudlu və digər bir neçə kəndin sakinləri məhsullarını sata bilmədikləri üçün etiraz aksiyası keçiriblər. 24News.ge xəbər verir ki, etirazçılar Marneuli meri Daur İsmayılovun və parlament üzvü Zaur Darğallının aksiyaya gəlməsini tələb ediblər. Aksiyaya mer müavini Qiorqi Qodabrelidze gələrək kənd sakinlərinə merlə görüşün meriya binasında keçirilməsini və tələblərini orada çatdırmalarını təklif edib. Lakin bu təklif aksiya iştirakçılarını qane etməyib. Etirazçılar vaxtaşırı yolu bağlamağa cəhd ediblər. Bu zaman polis ilə aksiya iştirakçıları arasında sözlü qarşıdurma yaşanıb və 2 etirazçı saxlanılıb. Etirazçıların tələbindən sonra saxlanılan 2 nəfər 1 saat sonra sərbəst buraxılıb.

www.24news.ge

Satış çətinliyi Marneulidə kənd sakinlərini küçəyə çıxardı (VİDEO)

Digər xəbərlər