Tbilisi şəhərinin büdcəsi 17 milyon lari artırılaraq 2 milyardı keçib

Tbilisi şəhərinin 2026-cı il üçün nəzərdə tutulan büdcəsi 17 milyon 169 min lari artırılaraq 2 milyard 210 milyon 558 min 200 lari təşkil edəcək. 24News.ge xəbər verir ki, Paytaxt büdcəsinə dəyişikliklər layihəsi Tbilisi Şəhər Şurasının (Sakrebulo) iclasında müzakirə olunaraq qəbul edilib. Bundan əvvəl sənəd 2026-cı ilin büdcə dəyişiklikləri ilə bağlı Sakrebulonun komissiyalarının birgə iclasında nəzərdən keçirilib. Tbilisi Meriyasının Maliyyə Şəhər Xidmətinin rəhbəri Qaioz Talakvadzenin sözlərinə görə, artırılmış büdcənin əsas istiqamətlərindən biri paytaxtda yerləşən dövlət məktəblərinin infrastrukturunun yenilənməsi və şagirdlərin nəqliyyatla təmin olunmasıdır. Onun bildirdiyinə görə, maliyyə sənədinə edilən dəyişikliklər 2026-cı il yanvarın 1-nə bələdiyyə büdcəsinin hesablarında mövcud olan vəsait qalıqları və cari il üçün gözlənilən maliyyə proqnozları nəzərə alınmaqla həyata keçirilib. Bununla yanaşı, İnfrastrukturun İnkişafı Şəhər Xidmətinin və rayon administrasiyalarının əlavə maliyyə tələbləri də nəzərə alınıb. Nəticədə, ayrılmış vəsaitlər müxtəlif proqram və altproqramlar üzrə yenidən bölüşdürüləcək.

www.24news.ge

Tbilisi şəhərinin büdcəsi 17 milyon lari artırılaraq 2 milyardı keçib

Digər xəbərlər