Polis əməkdaşına qrup halında hücum edilib: 4 nəfər saxlanılıb

İmereti Polis Departamentinin Çiatura Rayon İdarəsinin əməkdaşları polis əməkdaşına qrup halında hücum etməkdə şübhəli bilinən 4 nəfəri saxlayıblar. 24News.ge xəbər verir ki, bu barədə Daxili İşlər Nazirliyi məlumat yayıb. Nazirliyin məlumatına görə, saxlanılanlar 2008, 1999, 2000-ci il və 1994-cü il təvəllüdlü şəxslərdir. Aparılan istintaqla müəyyən edilib ki, hadisə xidməti fəaliyyətlə bağlı Daxili İşlər Nazirliyinin Patrul Polisi Departamentinin patrul-inspektoru ilə təqsirləndirilən şəxslər arasında yaranan sözlü mübahisədən sonra baş verib. Mübahisə zamanı onlar qrup halında polis əməkdaşına hücum edərək ona fiziki xəsarətlər yetiriblər. Hücum nəticəsində patrul-inspektoru bədənin müxtəlif nahiyələrindən xəsarət alıb. Hadisəni törədən şəxslər isə hadisə yerindən qaçıblar. Polis tərəfindən keçirilən operativ-axtarış tədbirləri və istintaq hərəkətləri nəticəsində, şübhəli şəxslərin hər dördü cinayəti törətdikdən qısa müddət sonra saxlanılıb. Faktla bağlı araşdırma Cinayət Məcəlləsinin 353-cü prima maddəsi üzrə aparılır. Həmin maddə 8 ilədək azadlıqdan məhrumetmə cəzasını nəzərdə tutur.

www.24news.ge

Polis əməkdaşına qrup halında hücum edilib: 4 nəfər saxlanılıb

Digər xəbərlər