Gömrük əməkdaşı rüşvət aldığına görə həbs olunub (VİDEO)

Gürcüstan Maliyyə Nazirliyinin İstintaq Xidmətinin əməkdaşları tərəfindən həyata keçirilmiş əməliyyat–istintaq tədbirləri nəticəsində rüşvət alma faktına görə Dövlət Gəlirləri Xidmətinin Gömrük Departamentinin “Poti” rəsmiləşdirmə iqtisadi zonasının gömrük əməkdaşı saxlanılıb. 24News.ge xəbər verir ki, bu barədə məlumatı Maliyyə Nazirliyinin İstintaq Xidməti yayıb. Qurumun məlumatına görə, istintaq dövlət məmurunun vəzifə səlahiyyətlərindən sui-istifadə edərək rüşvət aldığını müəyyən edib. "Təqsirləndirilən şəxs, rəqib idxalçı şirkətlər haqqında xidməti elektron məlumat bazalarında saxlanılan informasiyanın verilməsi qarşılığında vətəndaşdan rüşvət kimi ümumilikdə 1000 ABŞ dolları məbləğində pul tələb edib və alıb. Məhkəmə qərarı əsasında həyata keçirilmiş gizli istintaq tədbirləri nəticəsində cinayət əməlini əks etdirən audio və video sübutlar əldə edilib. Təqsirləndirilən şəxs rüşvət kimi tələb etdiyi məbləği aldığı anda saxlanılıb və pul vəsaiti maddi sübut kimi götürülüb. İstintaq Gürcüstan Cinayət Məcəlləsinin 338-ci maddəsinin birinci hissəsi ilə aparılır ki, bu da 6 ildən 9 ilədək azadlıqdan məhrumetmə cəzasını nəzərdə tutur." - deyə məlumatda deyilir.

www.24news.ge

Gömrük əməkdaşı rüşvət aldığına görə həbs olunub (VİDEO)

Digər xəbərlər