Qızılkilsə kəndində şairə Səadət Butanın ev-muzeyinin açılış mərasimi keçirilib (VİDEO)

Dmanisi bələdiyyəsinin Qızılkilsə kəndində tanınmış şair, Aşıq Pəri Məclisinin yaradıcılarından biri, 19 kitab müəllifi Səadət Butanın ev-muzeyinin açılışı olub. 24News.ge xəbər verir ki, mərasimdə paytaxt Tbilisidən, Marneuli, Qardabani, Bolnisi və digər rayonlardan, eləcə də Azərbaycan, Türkiyə və Qazaxıstandan gəlmiş qonaqlar, dövlət rəsmiləri, mədəniyyət xadimləri iştirak ediblər. Muzey şairin yaşayıb-yaratdığı evdə yaradılıb və onun zəngin yaradıcılıq irsi, şəxsi əşyaları və həyat yolunu əks etdirən eksponatlarla ziyarətçilərə təqdim olunur. Qeyd edək ki, muzeydə müxtəlif sənətkarların rəsmləri, qədim məişət əşyaları, ənənəvi geyimlər, Azərbaycan əsilli insanların gündəlik həyatında istifadə olunan kalağaylar və digər mədəni nümunələr sərgilənir. Şair Səadət Buta bildirib ki, bu eksponatlar onun yaradıcılığını, mədəni fəaliyyətini və tarixən formalaşmış ortaq mədəni ənənələri əks etdirir. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Qızılkilsə kəndində şairə Səadət Butanın ev-muzeyinin açılış mərasimi keçirilib (VİDEO)

Digər xəbərlər