Aşağı Oruzman kəndi yaxınlığında erkən hominidə aid yeni tapıntı aşkar edilib (FOTO)

Dmanisi bələdiyyəsinin Aşağı Oruzman kəndi yaxınlığında aparılan arxeoloji qazıntılar zamanı erkən hominidə aid alt çənə sümüyü aşkar edilib. 24News.ge xəbər verir ki, tapıntı arxeoloq Giorgi Bidzinaşvilinin rəhbərlik etdiyi ekspedisiya tərəfindən aşkar edilib. Mütəxəssislərin fikrincə, çənə sümüyü təxminən 1,8 milyon il əvvələ aid olub və Dmanisidə əvvəllər tapılmış hominid qalıqları ilə eyni dövrə təsadüf edir. Ərazidə həmçinin ibtidai heyvanların sümükləri və primitiv daş alətlər də tapılıb. Gürcü akademiki Davit Lordkipanidze bu kəşfin erkən insan təkamülü və onların ilk məskunlaşma prosesi ilə bağlı elmi araşdırmalar üçün böyük əhəmiyyət daşıdığını bildirib. Tapılmış materiallar Gürcüstan Milli Muzeyinə təhvil veriləcək və burada onların üzərində ətraflı laboratoriya tədqiqatları aparılacaq.

www.24news.ge

Aşağı Oruzman kəndi yaxınlığında erkən hominidə aid yeni tapıntı aşkar edilib (FOTO)

Digər xəbərlər