მარკ რუტე აცხადებს, რომ ბრაზილიას, ჩინეთს და ინდოეთს მეორადი სანქციები დაუწესდებათ, თუ ისინი რუსეთთან კვლავ ივაჭრებენ

ნატო-ს გენერალურმა მდივანმა, მარკ რუტემ განაცხადა, რომ, შესაძლოა, ბრაზილია, ჩინეთი და ინდოეთი სანქციების წინაშე აღმოჩნდნენ, თუ რუსეთთან ბიზნესურთიერთობებს განაგრძობენ. აღნიშნულის შესახებ რუტემ აშშ-ის კონგრესში სენატორებთან შეხვედრისას ისაუბრა. „თქვენ თუ ხართ ჩინეთის პრეზიდენტი, ან ინდოეთის პრემიერ-მინისტრი, ან ბრაზილიის პრეზიდენტი და ჯერ კიდევ ვაჭრობთ რუსებთან, იღებთ ნავთობსა და გაზს და ზოგჯერ უფრო მაღალ ფასად ყიდით, იცოდეთ, რომ მოსკოვში ის ადამიანი თუ არ მიიღებს სერიოზულად სამშვიდობო მოლაპარაკებებს, მეორად სანქციებს 100%-ით დაგიწესებთ. ამიტომ, გთხოვთ, დაურეკოთ ვლადიმერ პუტინს და უთხრათ, რომ სერიოზულად უნდა მოეკიდოს სამშვიდობო მოლაპარაკებებს, რადგან წინააღმდეგ შემთხვევაში ეს ბრაზილიას, ინდოეთსა და ჩინეთს მასობრივად დააზარალებს“, – განაცხადა რუტემ. ამასთან, როგორც ნატო-ს გენერალურმა მდივანმა აღნიშნა, ალიანსი უკრაინელებთან ერთად მუშაობს, რათა შეიმუშაოს პაკეტები, რომლებიც უკრაინის საჰაერო თავდაცვისთვის მაქსიმალურად სასარგებლო იქნება.

www.24news.ge

სხვა სიახლეები