“Dəyişiklik Koalisiyası” prezidentin təklifinə cavab verib: "Nə əfv üçün müraciət edəcəyik, nə də...

“Dəyişiklik Koalisiyası” heç bir mərhələdə hazırkı rejimlə əməkdaşlıq etməyəcəyini və ona legitimlik vermək niyyətində olmadığını bəyan edib. 24News.ge xəbər verir ki, koalisiya bu açıqlama ilə prezident Mixeil Kavelaşvilinin təklifinə cavab verib. Koalisiya əfv üçün müraciət etməyəcəyini və yerli seçkilərdə iştirak etməyəcəyini bildirib. Bəyanatda deyilir: "Heç bir mərhələdə rejimlə əməkdaşlıq etməyəcək və ona legitimlik verməyəcəyik. Nə əfv üçün müraciət edəcəyik, nə də saxta yerli seçkilərdə iştirak edəcəyik. Qələbə yalnız əməkdaşlıq etməmək və davamlı müqavimət yolu ilə mümkündür". Məlumat üçün bildirək ki, ötən gün prezident Mixeil Kavelaşvili bütün məhkum olunmuş siyasətçilərə müraciət edərək, əgər onlar əfv üçün rəsmi müraciət edib, qarşıdan gələn yerli seçkilərdə iştirak etmək istədiklərini bəyan etsələr, dərhal əfv aktı imzalayacağını bildirib. Xatırladaq ki, hazırda “Dəyişiklik Koalisiya”nın üç əsas lideri – Zurab Japaridze, Nika Melia və Nika Gvaramia – həbsdədir. Onların hər biri istintaq komissiyasının çağırışlarına məhəl qoymama və digər səbəblərlə əlaqədar olaraq 7-8 aylıq həbs cəzası alıb və 2 il müddətinə dövlət vəzifəsi tutmaq hüququndan məhrum ediliblər.

www.24news.ge

“Dəyişiklik Koalisiyası” prezidentin təklifinə cavab verib: "Nə əfv üçün müraciət edəcəyik, nə də...

Digər xəbərlər