Fahişəliyin təşviqi və fahişəlik üçün yer təmin edilməsi faktları üzrə yeddi nəfər saxlanılıb (VİDEO)

Hüquq-mühafizə orqanları fahişəliyin təşviqi və fahişəlik üçün yerin verilməsi ittihamı ilə Tailandın yeddi vətəndaşını saxlayıb və on obyektin fəaliyyətini dayandırıb. 24News.ge xəbər verir ki, bu barədə Daxili İşlər Nazirliyi məlumat yayıb. Qurumun məlumatına görə, Daxili İşlər Nazirliyinin Mərkəzi Kriminal Polis Departamentinin əməkdaşları tərəfindən, o cümlədən məhkəmə qərarı əsasında aparılan gizli istintaq hərəkətləri nəticəsində müəyyən olunub ki, saxlanılan şəxslər fahişəliklə məşğul olan qadınlara sistemli şəkildə yardım ediblər. Xüsusilə, onlar Tbilisidə yerləşən Nikoloz, Vaşlovani, Kostava və Axvlediani küçələrindəki obyektlərdə müəyyən məbləğ qarşılığında onlara məkan təqdim ediblər. Məlumata görə, həmin obyektlərin administratorları da fahişəliklə məşğul olan qadınlara müştəri tapmaqda kömək edirmiş və bunun qarşılığında onlar göstərilən cinsi xidmətlərdən əldə edilən gəlirdən müəyyən məbləğ ödəyirmişlər. Araşdırmalar göstərir ki, həmin obyektlərin əsas gəlir mənbəyi məhz fahişəliyin təşviqindən ibarət olub. Polis tərəfindən həyata keçirilən kompleks əməliyyat və istintaq tədbirləri nəticəsində yeddi administrator saxlanılıb və on obyekt bağlanıb. Hazırda araşdırma Cinayət Məcəlləsinin 254-cü maddəsinin birinci və ikinci hissələri üzrə davam etdirilir.

www.24news.ge

Fahişəliyin təşviqi və fahişəlik üçün yer təmin edilməsi faktları üzrə yeddi nəfər saxlanılıb (VİDEO)

Digər xəbərlər