Xüsusi əməliyyat keçirilib - 4 nəfər saxlanılıb (VİDEO)

Daxili İşlər Nazirliyinin Baş Polis İdarəsinin Narkotik Vasitələrinin Qanunsuz Dövriyyəsinə Qarşı Mübarizə İdarəsinin əməkdaşları tərəfindən keçirilən əməliyyat və istintaq tədbirləri nəticəsində narkotik cinayətlərində təqsirləndirilən dörd nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. Bildirilib ki, saxlanılan şəxslər – 2000, 1978, 1981 və 2003-cü il təvəllüdlü dörd nəfər – külli miqdarda narkotik vasitələrin qanunsuz əldə edilməsi, saxlanması və satışa hazırlanması, psixotrop maddələrin və marixuananın qanunsuz dövriyyəsi, eləcə də narkotik tərkibli bitkilərin becərilməsi ilə bağlı ittiham olunur. Onlardan biri Rusiya, digəri isə İordaniya vətəndaşıdır. Əməliyyat zamanı saxlanılan şəxslərin üzərindən və yaşadıqları ünvanlardan, həmçinin göstərdikləri ərazilərdən “Kokain”, “MDMA”, “Lisergid”, psixotrop maddələr və marixuana da daxil olmaqla, külli miqdarda müxtəlif narkotik vasitələr aşkarlanaraq götürülüb. Həmçinin narkotik tərkibli bitkilərin yetişdirilməsi üçün yaradılmış xüsusi istixanada becərilən çətənə bitkiləri də aşkarlanıb. Faktla bağlı istintaq başlanıb. Təqsirləndirilən şəxsləri 20 ilə qədər azadlıqdan məhrumetmə cəzası gözləyir.

www.24news.ge

Xüsusi əməliyyat keçirilib - 4 nəfər saxlanılıb (VİDEO)

Digər xəbərlər