Aİ səfiri: "Gürcüstan hökumətinin son qərarları ölkəni Aİ-yə yaxınlaşdırmaq əvəzinə uzaqlaşdırır"

Avropa İttifaqının Gürcüstandakı səfiri Pavel Herçinski Gürcüstan nümayəndə heyətinin Varşavada keçirilən Aİ xarici işlər nazirlərinin qeyri-rəsmi görüşünə dəvət olunmamasına münasibət bildirib. 24News.ge xəbər verir ki, Herçinski açıqlamasında bildirib ki, Gürcüstan hökumətinin son bir ildə atdığı addımlar, qəbul etdiyi qərarlar və qanunvericilik dəyişiklikləri ölkəni Aİ-yə inteqrasiyaya yaxınlaşdırmaq əvəzinə, əksinə, ondan uzaqlaşdırır. “2023-cü ilin dekabrında Gürcüstana Aİ-yə üzvlüyə namizəd statusu verdik. Bu qərar Gürcüstanın və onun xalqının Aİ-yə üzv olmaq istəyinə əsaslanırdı. Lakin həmin vaxtdan bu yana Gürcüstan tərəfdən nə islahatlarda irəliləyiş, nə şəffaflıq, nə də Aİ-nin bir hissəsinə çevrilmək istəyi müşahidə olunur”. Səfir bildirib ki, Aİ-nin Gürcüstandan gözləntisi yalnız bu ölkəyə aid deyildi: “Bu islahatlar Aİ-yə üzv olmaq istəyən bütün namizəd ölkələrə şamil olunur. Təəssüflər olsun ki, Gürcüstan bu prosesdə geridə qalır”, - deyə diplomat qeyd edib. Səfir Pavel Herçinski bildirib ki, Aİ Gürcüstanda güc tətbiqinə görə məsuliyyət daşıyan yüksək vəzifəli şəxslərə qarşı sanksiya tətbiq etməyə çalışır. Lakin onun sözlərinə görə, indiyə qədər bu mümkün olmayıb, çünki Aİ-də belə qərarlar yekdilliklə qəbul edilir.

www.24news.ge

Aİ səfiri: "Gürcüstan hökumətinin son qərarları ölkəni Aİ-yə yaxınlaşdırmaq əvəzinə uzaqlaşdırır"

Digər xəbərlər