Gürcüstanın da misilsiz əməyi olan faşizm üzərində qələbədən 80 il ötür

Bu gün 9 may Qələbə günü postsovet ölkələri və İkinci dünya müharibəsində iştirak etmiş digər dövlətlərdə qeyd olunur. 24News.ge xatırladır ki, 1945-ci il mayın 8-dən 9-a keçən gecə alman feldmarşalı Vilhelm Keytel qeyd-şərtsiz təslim aktını imzalayıb, bununla da İkinci dünya müharibəsində faşizm üzərində qələbə qazanılıb. İkinci dünya müharibəsində faşizmə qarşı 600 mindən çox azərbaycanlı döyüşüb, onlardan 300 mini qələbə uğrunda canından keçib. 5 illik müharibə zamanı Gürcüstandan olan 300 000 əsgər də həlak olub. Gürcüstan bu müharibədə arxa cəbhədə misilsiz əmək hünərləri göstərib, ordunun ehtiyaclarını ödəmək üçün gecə-gündüz fədakarlıqla çalışıb. Müharibə zamanı yaralı əsgərlərə donor qanı, döyüşən orduya ərzaq və isti geyimlər göndərib. İkinci dünya müharibəsinin veteranları ölkənin və millətin fəxridir. Onların müharibə illərində göstərdiyi qəhrəmanlıq bu gün bütün cəmiyyət tərəfindən böyük hörmətlə xatırlanır, həlak olanların xatirəsi isə ehtiramla yad olunur.

www.24news.ge

Gürcüstanın da misilsiz əməyi olan faşizm üzərində qələbədən 80 il ötür

Digər xəbərlər