NATO baş katibinin illik hesabatında Gürcüstan və Ukraynanın üzvülük məsələsi yer almayıb

NATO-nun baş katibi Mark Ruttenin 2024-cü il üzrə illik hesabatı dərc olunub. 24News.ge xəbər verir ki, hesabatda Gürcüstan və Ukraynanın NATO-ya üzvlüklə bağlı heç bir məlumat qeyd olunmayıb. Bildirilir ki, müttəfiqlər tərəfdaş ölkələrlə, o cümlədən Ukrayna və Gürcüstanla münasibətlərini inkişaf etdirmək üçün xüsusi strukturlar qurublar. Hesabatda qeyd olunur ki, Avro-Atlantik regionda müttəfiqlər həm ikitərəfli, həm də Avro-Atlantik Tərəfdaşlıq Şurası və Sülh Naminə Tərəfdaşlıq proqramı vasitəsilə 16 tərəfdaş ölkə ilə fəal əməkdaşlıq edirlər. NATO baş katibi Mark Rutte hesabatında, bu tərəfdaşlar arasında Ukrayna və Gürcüstanla münasibətlər üçün xüsusi strukturların yaradıldığını vurğulayıb. Bununla yanaşı, Alyansın Tbilisidəki Əlaqələr Bürosu vasitəsilə Cənubi Qafqazda fəaliyyətini davam etdirdiyi bildirilib. Hesabatda həmçinin, NATO ilə Gürcüstan arasında təhlükəsizlik və müdafiə qabiliyyətlərinin gücləndirilməsinə yönəlmiş praktiki əməkdaşlığın davam etdiyi qeyd olunur. Əlavə olaraq, NATO baş katibinin hesabatında Gürcüstan və Ukraynanın NATO üzvü olacağı barədə konkret məlumat verilmir. Bunun əvəzində, Vilnüs Sammiti Bəyannaməsində Ukraynanın gələcəkdə NATO üzvü olacağı və Alyansın bu ölkəni üzvlük yolunda dəstəkləyəcəyinə dair bəyanat yer alıb. Eyni zamanda, Gürcüstanın NATO üzvlüyünə dəstəyin davam etdiyi vurğulanır.

www.24news.ge

NATO baş katibinin illik hesabatında Gürcüstan və Ukraynanın üzvülük məsələsi yer almayıb

Digər xəbərlər