Trampdan Krımla bağlı qalmaqallı açıqlama: "Rusiyanın tərkibində qalacaq”

"Ukraynada böhranın nizamlanmasının yekunları üzrə Krım Rusiyaya məxsus olaraq qalacaq". 24News.ge xəbər verir ki, bu barədə ABŞ Prezidenti Donald Tramp “Time” jurnalına müsahibəsində bildirib. "Biz Krım haqqında danışmağa məcburuq, çünki o, daim xatırlanır. Krım Rusiya ilə qalacaq. Ukrayna Prezidenti Volodimir Zelenski bunu başa düşür. Hər kəs anlayır ki, Krım uzun müddət Rusiyanın tərkibində olub". Bundan əlavə, Tramp bəyan edib ki, Ukrayna böhranını yalnız o həll edə bilər. Bununla yanaşı, ABŞ Prezidenti vurğulayıb ki, razılaşmaya tezliklə nail olmaq mümkün olacaq. ABŞ prezidenti həmçinin İranla aparılan danışıqlara da münasibət bildirib: "Mən deyərdim ki, bunun günahkarı Baydendir. Mənim administrasiyam dövründə İranın pulu yox idi və Bayden onlara varlanmağa imkan verirdi. Bayden sanksiyaları qaldırdı, İran isə dörd il ərzində 300 milyard dollar qazandı". İsrailin İranın nüvə obyektlərinə hücumunun qarşısını alıb-almadığını və İsrailin baş naziri Binyamin Netanyahunun İrana qarşı müharibəyə sürüklənəcəyini düşünüb-düşünmədiyi sualına Tramp mənfi cavab verib: "Düşünürəm ki, İrana hücum etmədən müqavilə bağlaya bilərik. Benyamin Netanyahu müharibə edə bilər, amma mənim iradəmə zidd olaraq məni müharibəyə sürükləyə bilməz. Mən öz iradəmlə bu işə qarışa bilərəm. İranla razılaşma əldə etməsək, ona rəhbərlik edəcəm", - deyə ABŞ prezidenti bildirib.

www.24news.ge

Trampdan Krımla bağlı qalmaqallı açıqlama: "Rusiyanın tərkibində qalacaq”

Digər xəbərlər