Kaladze: "Ölkədə insan hüquqları heç vaxt olmadığı qədər qorunur, biznes heç vaxt olmadığı qədər azaddır"

"Hazırda ölkədə insan hüquqları heç vaxt olmadığı qədər qorunur, biznes heç vaxt olmadığı qədər azaddır". 24News.ge xəbər verir ki, bu sözləri “Gürcü Arzusu”nun baş katibi və Tbilisi meri Kaxa Kaladze jurnalistlərin suallarını cavablandırarkən deyib. Onun sözlərinə görə, bu gün hər kəs müxtəlif məsələlərdə öz siyasi fikrini ifadə edə bilər və buna görə təqib olunmur: "Azad və demokratik seçkilər keçirildi, bunu ATƏT/DTİHB və Gürcüstan xalqı tanıdı. Seçkiləri müşahidə edən beynəlxalq təşkilatlar da bu prosesi tanıdı. Ölkədə insan hüquqları heç vaxt olmadığı qədər qorunur. Bu gün hər kəs müxtəlif mövzularda öz siyasi fikrini sərbəst şəkildə ifadə edə bilir və buna görə heç kim təqib olunmur. Biznes də heç vaxt indiki qədər azad olmayıb. Buna görə də mövcud vəziyyəti keçmişlə müqayisə etmək mümkün deyil. Çünki həmin dövrdə iş adamlarına qarşı külli miqdarda cərimələr tətbiq olunurdu, onlar işgəncələrə məruz qalır, öldürülür, biznesləri bağlanırdı. Bununla belə, həmin rejim 'demokratiyanın çırağı' adlandırılırdı. Bu gün isə ölkədə köklü şəkildə fərqli bir vəziyyət hökm sürür. Gürcüstan hökuməti artıq namizəd statusu almış və Aİ ilə danışıqlara başlamış ölkələrlə müqayisədə Avropaya inteqrasiya istiqamətində bir sıra mühüm addımlar atıb. Təəssüf ki, bəzi bürokratlar ölkədəki reallıqdan uzaq mövqedən çıxış edirlər", – deyə Kaladze bildirib.

www.24news.ge

Kaladze: "Ölkədə insan hüquqları heç vaxt olmadığı qədər qorunur, biznes heç vaxt olmadığı qədər azaddır"

Digər xəbərlər