Tbilisi tıxaclarında sürücülər ildə 120 saat vaxt itirirlər

Tıxaclarda itirilən vaxt və əlavə yanacaq xərcləri ümumilikdə ən azı 1 milyard larini keçir. 24News.ge xəbər verir ki, bu barədə statistik Soso Arçvadze məlumat verib. Onun sözlərinə görə, Tbilisi tıxaclarında sürücülər ildə 120 saat vaxt itirirlər. Arçvadze qeyd edib ki, problemin həlli yolları ictimai nəqliyyatın inkişafına, daha çox körpü və estakadanın tikintisinə, eləcə də yeraltı nəqliyyat şəbəkələrinin genişləndirilməsinə yönəlməlidir: "Məlum olduğu kimi, son illərdə paytaxtın küçələrində nəqliyyat vasitələrinin sayı sürətlə artır. Məsələn, son 5 ildə Tbilisidə qeydiyyatdan keçmiş avtomobillərin sayı təxminən 230 min artıb. Bununla belə, Tbilisidə avtomobillərin sayı artsa da, avtomobil yolları praktiki olaraq dəyişmir", - deyə Soso Arçvadze bildirib. Məlumat üçün bildirək ki, hazırda Tbilisi metrosunda 23 fəaliyyət göstərən stansiya var. Bunlardan 16-sı Qldani-Varketili xətti, 7-si isə Saburtalo xəttinə aiddir. Xətlərin ümumi uzunluğu 26,4 km-dir. 2025-ci ilin mart və aprel aylarında Tbilisi meri metronun yeni xətlərinin inkişafı üçün bazar araşdırması elan edib. Lakin bazar araşdırmasının nəticələrinin necə olacağı və bu layihələrin reallaşacağı hələ ki, məlum deyil.

www.24news.ge

Tbilisi tıxaclarında sürücülər ildə 120 saat vaxt itirirlər

Digər xəbərlər