Kobaxidze: "Müxalifət çətin vəziyyətdədir, 300 nəfərlik mitinq keçirirlər"

"Müxalifət çətin vəziyyətdədir, 300 nəfərlik mitinq keçirirlər, ritual olaraq bir saat küçəni bağlayırlar, sonra evə qayıdırlar". 24News.ge xəbər verir ki, bu barədə Baş nazir İrakli Kobaxidze “İmedi LIVE” verilişində çıxışı zamanı bildirib. Onun sözlərinə görə, onlar özləri aksiyalara gedib büdcəyə hər gün on minlərlə lari ödəyirlər: “Öz xoşları ilə gəlirlər, dövlət büdcəsini doldururlar, hər gün on minlərlə lari ödəyirlər, buna görə onlara bir növ təşəkkür də edə bilərik. Partiyalara gəlincə, tamamilə itmiş vəziyyətdədirlər. Görürük ki, vəziyyət necədir. Onların daxilində çox ciddi problemlər var – təkcə partiyalar arasında yox, hətta partiya daxilində belə çətin münasibətlər mövcuddur”. Baş nazir həmçinin bu il baş tutacaq bələdiyyə seçkilərinə də münasibət bildirib. O qeyd edib ki, "Gürcü Arzusu" bütün bələdiyyələrdə mer seçkilərində qalib gələcək: "Müxalifət daha əvvəl də belə bir şey etmişdi – imza toplayaraq parlamentə daxil olmayacaqlarını bəyan etmişdilər, lakin sonda girdilər. Dörd il əvvəl baş verən hadisələri xatırlayıram. İndi də deyirlər ki, yerli seçkilərdə iştirak etməyəcəklər, bunu artıq elan ediblər. Onlara nə əmr olunursa, onu da edəcəklər. Amma bəlkə də onlar üçün müəyyən qırmızı xətlər var. Bu qədər müddət prezidentin və baş nazirin qeyri-legitim olduğunu iddia edib, sonra da onların təyin etdiyi seçkilərdə iştirak etmək hətta onlar üçün də çətin ola bilər – prinsipialsızlıqlarına baxmayaraq. Biz 64 bələdiyyənin hamısında həm mer, həm də bələdiyyə seçkilərində qalib gəlməyi planlaşdırırıq və indidən tam əminliklə və özümüzə güvənərək deyə bilərəm ki, biz hər bir bələdiyyədə böyük üstünlüklə qalib gələcəyik" , - deyə İrakli Kobaxidze qeyd edib.

www.24news.ge

Kobaxidze: "Müxalifət çətin vəziyyətdədir, 300 nəfərlik mitinq keçirirlər"

Digər xəbərlər