Tbilisidə din və ictimaiyyət adamlarının iştirakı ilə iftar süfrəsi açılıb (FOTO)

Paytaxt Tbilisidə İran İslam Respublikasının Gürcüstandakı səfirliyində müqəddəs Ramazan ayı ilə bağlı iftar süfrəsi açılıb. 24News.ge xəbər verir ki, mərasimdə fövqəladə və səlahiyyətli səfir Mahmud Ədibi, Gürcüstan Müsəlmanlar İdarəsinin Şeyxi Hacı Faiq Nəbiyev, Qafqaz Müsəlmanları İdarəsinin Gürcüstan üzrə nümayəndələri Məhəmməd Şamilov, Beynəlxalq Əl-Mustafa Universitetinin Gürcüstan nümayəndəliyinin rəhbəri Dr.Həsən Yusifzadə, din və ictimaiyyət adamları iştirak ediblər. İftar məclisi Quran qarisi Hacı Rahid Kərimovun müqəddəs Qurani-Kərimdən ayələr tilavət etməsi ilə başlayıb. Mərasimdə çıxış edən səfir Mahmud Ədibi və Gürcüstan Müsəlmanlar İdarəsinin Şeyxi Hacı Faiq Nəbiyev müsəlmanların oruc ibadətlərinin qəbul olunmasını diləyib, ölkəmizdə və dünyada sülh, əmin-amanlıq olmasını arzu ediblər. İftar süfrəsi ətrafında baş tutan mərasim sonda fərəc duasının oxunması ilə başa çatıb.

www.24news.ge

Tbilisidə din və ictimaiyyət adamlarının iştirakı ilə iftar süfrəsi açılıb (FOTO)

Digər xəbərlər