Səfir Faiq Quliyev Gürcüstanın təhsil naziri ilə iki ölkə arasında əməkdaşlığın gücləndirilməsi məsələlərini müzakirə edib (FOTO)

Azərbaycan Respublikasının Gürcüstandakı fövqalada və səlahuyyətli səfiri Faiq Quliyev Gürcüstanın təhsil, elm və gənclər naziri Aleksandre Tsuladze ilə tanışlıq görüşü keçirib. 24News.ge xəbər verir ki, görüş zamanı iki ölkə arasında təhsil və elm sahəsində əməkdaşlığın gücləndirilməsi məsələləri və gələcək planlar müzakirə olunub. Aleksandre Tsuladze Azərbaycan tərəfi ilə əməkdaşlıq çərçivəsində həyata keçirilən layihələrə diqqət yetirərək, Faiq Quliyevi Gürcüstanda təhsilin bütün pillələrində aparılan və planlaşdırılan islahatlarla tanış edib. Nazir səmərəli əməkdaşlığa görə Azərbaycan Respublikasının səfirinə təşəkkürünü bildirib və Gürcüstan ilə Azərbaycan Respublikası arasında çoxillik sıx tərəfdaşlığın daha da dərinləşəcəyinə ümidvar olduğunu bildirib. Azərbaycan Respublikasının səfiri öz növbəsində Gürcüstanın təhsil sistemində gedən prosesləri müsbət qiymətləndirib və Gürcüstan tərəfi ilə birgə təhsil layihələri həyata keçirməyə hazır olduğunu bildirib. Görüşdə Gürcüstanın təhsil, elm və gənclər nazirinin müavini Baia Kvitsiani də iştirak edib.

www.24news.ge

Səfir Faiq Quliyev Gürcüstanın təhsil naziri ilə iki ölkə arasında əməkdaşlığın gücləndirilməsi məsələlərini müzakirə edib (FOTO)

Digər xəbərlər