Müxalifət lideri Georgi Qaxariya fiziki hücuma məruz qalıb

“Qaxariya – Gürcüstan naminə” partiyasının lideri Georgi Qaxariyaya hücum olub. 24News.ge xəbər verir ki, bu barədə məlumatı partiyanın mətbuat xidməti təsdiqləyib. Məlumata əsasən, Daxili İşlər Nazirliyi hücum faktı ilə bağlı istintaqa başlayıb. Nazirliyin məlumatına görə, araşdırma Cinayət Məcəlləsinin 126-cı maddəsi ilə aparılır. Sözügedən maddə zorakılığı nəzərdə tutur. Qeyd edək ki, Giorgi Qaxariya Batumidə naməlum şəxslər tərəfindən fiziki hücuma məruz qalıb və burun nahiyəsindən zərbələr alıb. Həkimlərin verdiyi məlumata görə, onun burun sümüyü sınıb və beyin silkələnməsi qeydə alınıb.

www.24news.ge

Müxalifət lideri Georgi Qaxariya fiziki hücuma məruz qalıb

Digər xəbərlər