Arıxlı kəndində baş verən hadisə ilə bağlı son vəziyyət (VİDEO)

Marneuli-Bolnisi yolunun Naxiduri (Arıxlı) kənd ərazisində yüksək sürətlə hərəkət edən avtomobil iki yeniyetməni vuraraq öldürüb. 24News.ge xəbər portalına verilən məlumata əsasən, həyatını itirən 15 yaşlı Elçin Binnətov və Sinan Şərifovdur. Kənd sakinləri bildirirlər ki, hadisədən sonra polislə vətəndaşlar arasında insident yaşanıb. Buna səbəb isə təcili tibbi yardım briqadasının vurulan gənclərin deyil, hadisəni törədən şəxsin təcili tibbi yardım maşını ilə aparmaq istəmələri olub. Mövcud məlumata görə, qəzadan sonra yeniyetmələrdən biri yerində, digəri isə klinikaya aparıldıqdan sonra dünyasını dəyişib. Bildirilir ki, təcili tibbi yardım briqadası yol-nəqliyyat hadisəsi törədən sürücüyə köməklik göstərdikləri üçün hadisə yerinə gələn təcili yardım maşını vətəndaşlar tərəfindən çevirilib. Hadisə yerinə çoxlu sayda hüquq-mühafizə orqanlarının əməkdaşları səfərbər olunub.

www.24news.ge

Arıxlı kəndində baş verən hadisə ilə bağlı son vəziyyət (VİDEO)

Digər xəbərlər