Avropa Şurası Parlament Assambleyası Gürcüstandakı vəziyyətlə bağlı bəyanat yayıb

"Gürcüstanı Avropa dəyərlərinə sadiq qalmağa və öhdəliklərini tam yerinə yetirməyə çağırırıq". 24News.ge xəbər verir ki, bu barədə Avropa Şurası Parlament Assambleyasının (AŞPA) Daimi Komitəsinin bəyanatında deyilir. Sözügedən bəyanatda deyilir: “Parlament Assambleyası Gürcüstandakı vəziyyətdən narahatdır, burada hökumət seçki vədlərinə zidd olaraq Avropa İttifaqına daxil olmaq üzrə danışıqları dayandırdığını elan edib. Bu qərar Gürcüstanda qanunun aliliyinin və demokratik təsisatların fəaliyyətinin gücləndirilməsi üçün zəruri olan islahatların həyata keçirilməsinə əhəmiyyətli təsir göstərə bilər". Həmçinin, ötən gün Lüksemburqda iclas keçirən Assambleya dinc nümayişlərə qarşı ifadə və sərbəst toplaşmaq azadlığının əsas hüquqlarının pozulması kimi hadisələri kəskin şəkildə pisləyib. Avropa Şurası Parlament Assambleyası narahatlıqla qeyd edir ki, etirazçıların əksəriyyəti sovet dövründən qalma mübahisəli İnzibati Xətalar Məcəlləsinə əsasən həbs edilib və onlara ittiham irəli sürülüb. Bundan əlavə, Assambleya qeyd edir ki, sözügedən qanunun Avropa standartlarına uyğun olan yeni qanunla əvəzlənməsi üçün dəfələrlə müraciət edilib. Qeyd olunub ki, Avropa Şurası Parlament Assambleyası yanvarda keçirilməsi planlaşdırılan sessiyasında Gürcüstanda keçirilən parlament seçkilərinin müşahidə hesabatını müzakirə edəcək.

www.24news.ge

Avropa Şurası Parlament Assambleyası Gürcüstandakı vəziyyətlə bağlı bəyanat yayıb

Digər xəbərlər