Təhsil Nazirliyinin 190-dək əməkdaşı hökumətin qərarına qarşı çıxıb

Təhsil, Elm və Gənclər Nazirliyinin əməkdaşları Baş nazirin Avropa İttifaqına üzvlük prosesinin 2028-ci ilin sonuna qədər dayandırılması ilə bağlı bəyənat yayıblar. 24News.ge xəbər verir ki, nazirliyin 187 əməkdaşının yaydığı bəyanatda qeyd olunur ki, hökumətin 2028-ci ilə qədər Aİ-yə üzvlük danışıqlarının Gürcüstanın gündəliyindən çıxarılması ilə bağlı bəyanatı ölkənin strateji maraqlarına uyğun gəlmir və Gürcüstan Konstitusiyasının 78-ci maddəsinə ziddir. Sözügedən bəyanatda deyilir: “Biz Təhsil, Elm və Gənclər Nazirliyinin və onun sisteminin əməkdaşları, dövlət qulluqçuları illərdir ki, müstəqil Gürcüstanın milli maraqlarına xidmət edirik. Bizim üçün bu, hər bir insan üçün bərabər imkanlar yaradan, gürcü gənclərini və alimlərini rəqabətədavamlı edəcək, yüksək standartlara cavab verən elm və təhsil məkanına qoşulmağa imkan yaradan, demokratik təhsil sisteminin qurulmasını və möhkəmlənməsini təmin edən Avropa təhsil sisteminin qurulması deməkdir. Hesab edirik ki, Gürcüstanın 2028-ci ilə qədər Aİ-yə üzvlük danışıqlarının gündəliyindən çıxması ilə bağlı dünənki bəyanat ölkənin strateji maraqlarına uyğun gəlmir və Gürcüstan Konstitusiyasının 78-ci maddəsinə ziddir. Müvafiq olaraq, Gürcüstan Konstitusiyası ilə təmin edilən ifadə azadlığı çərçivəsində biz Gürcüstanın Avropa və Avro-Atlantik inteqrasiya kursuna sadiq qaldığımızı bildiririk”. Məlumat üçün bildirək ki, ötən gün Baş nazir İrakli Kobaxidze “Gürcü Arzusu” partiyasının ofisində keçirdiyi brifinqdə 2028-ci ilin sonuna qədər Avropa İttifaqına üzvlük məsələsini gündəmə gətirməməyə qərar verdiklərini bildirib.

www.24news.ge

Təhsil Nazirliyinin 190-dək əməkdaşı hökumətin qərarına qarşı çıxıb

Digər xəbərlər