Tariel Nakaidze seçki siyahısını ictimaiyyətə təqdim edib

Müstəqil deputat Tariel Nakaidze seçkilərə “Gürcüstan üçün Regionlar” siyasi hərəkatının üzvü olaraq 23 nömrədə “Çven” partiyasına qoşulur. 24News.ge xəbər verir ki, Nakaidze bu barədə partiyanın növbədənkənar qurultayında açıqlama verib. Qurultayda Tariel Nakaidze və Giorgi Pataridze partiyanın həmsədrləri, siyasi şuranın sədri isə Mixeil Ramişvili seçilib. “Çven” siyasi partiyası seçki siyahısının ilk onluğunu ictimaiyyətə təqdim edib: 1. Tariel Nakaidze: 2. Giorgi Pataridze: 3. İva Xoxlov: 4. Laşa Mqeladze: 5. Mixail Ramişvili: 6. Xatiya Bakuradze: 7. Zaza Mikeladze: 8. Zaza Xurtsidze: 9. Levan Gobecia: 10. Vaxtanq Losaberidze. Qeyd edək ki, 26 oktyabr tarixində Gürcüstanda növbəti parlament seçkiləri keçiriləcək. 18 yaşına çatmış vətəndaşlar birbaşa seçki hüququ əsasında gizli səsvermə yolu ilə 4 il müddətinə ali nümayəndəlik orqanının üzvlərini seçəcəklər. Parlamentin 150 üzvünün hər biri tam proporsional sistemlə vahid çoxmandatlı seçki dairəsi üzrə seçiləcək.

www.24news.ge

Tariel Nakaidze seçki siyahısını ictimaiyyətə təqdim edib

Digər xəbərlər