İvanişvili: "26 oktyabr siyasi simpatiya-antipatiya günü deyil, Gürcüstanın varlığı - yoxluğu günüdür!"

"Oktyabrın 26-da keçiriləcək parlament seçkilərində “Gürcü arzusu”nun konstitusiya çoxluğunu qazanması prinsipial əhəmiyyət kəsb edir". 24News.ge xəbər verir ki, bu barədə "Gürcü arzusu"nun fəxri sədri Bidzina İvanişvilinin bəyanatında qeyd olunub. Onun sözlərinə görə, konstitusiya çoxluğunun əldə edilməsi həm də “Milli Hərəkat” kollektivini, rejimi bütün qanunun sərtliyi ilə mühakimə edərək cəzalandırmaq üçün lazımdır: "Əvvəl konstitusiyaya zidd elan edilməli, sonra isə kollektiv “Milli Hərəkat” öz əhalisini terrora məruz qoyan, qətlə yetirən, işgəncəyə məruz qoyan, öz üzərinə müharibə alovu atan rejim olaraq bütün qanunların sərtliyi ilə mühakimə olunmalıdır. Gürcüstana xarici qüvvələrin agentlərindən ibarət “Milli Hərəkat” kollektivi yox, xalqımızın seçdiyi hökumət hakim olmalıdır. Ailəni, milliyyəti, imanı təhqir etmək və alçaltmaq üçün davamlı cəhdlərə əbədi son qoymaq və Pravoslav Kilsəsinin müstəqilliyini gücləndirmək və qorumaq üçün konstitusiyada Pravoslav Kilsəsinin dövlətin əsas sütunu kimi rolunu əks etdirməliyik. Deməli, oktyabrın 26-da gündəm siyasi simpatiya-antipatiya deyil, Gürcüstanın varlığı - yoxluğudur! Biz övladlarımıza, gələcək nəsillərimizə müstəqil və dinc Gürcüstanı qoymağa Rəbbə və Vətənə borcluyuq, ona görə də oktyabrın 26-da yenidən birləşməli və qalib olmalıyıq! Bizim yeganə yolumuz yalnız Avropaya, ləyaqət və firavanlıqdır! Yaşasın birləşmiş, güclü və parlaq Gürcüstan!", - deyə Bidzina İvanişvili qeyd edib.

www.24news.ge

İvanişvili: "26 oktyabr siyasi simpatiya-antipatiya günü deyil, Gürcüstanın varlığı - yoxluğu günüdür!"

Digər xəbərlər