Aqil Mustafayev: "Saqarecoda partiyamızın aktiv üzvü heç bir günahı olmadan polis tərəfindən saxlanılıb"

"Lelo" partiyasının Kvemo Kartli üzrə nümayəndəsi Aqil Mustafayev Saqareco bələdiyyəsinin Yormuğanlı kəndində partiyanın aktiv üzvü və liderlərindən olan Vüsal Qeyibovun polis tərəfindən saxlanıldığını bildirib. 24News.ge xəbər portalına müsahibə verən siyasətçi qeyd edib ki, hadisə ötən axşam baş verib. Onun sözlərinə görə, "Gürcü arzusu" artıq 26 oktyabr seçkilərində məğlub olacaqlarını anladıqları üçün, siyasi motivli həbslərə və böhtanlara əl atır: "Bir aydır ki, Saqareco bələdiyyəsinin Yormuğanlı kəndində partiyamızın Saqareco ərazisindəki aktiv üzvü və liderlərindən olan Vüsal Qeyibov heç bir günahı olmadan polis tərəfindən saxlanılıb. Son bir aydır ki, bizimlə görüşlərdə aktiv iştrak edirdi və siyasi proseslərə qoşulmuşdur, bu səbəbdən də, ötən gün axşam saatlarında hüquq-mühafizə orqanlarının əməkdaşları tərəfindən Qeyibovun ailəsində axtraış aparılıb və evin damından köhnə, istifadəyə yarasız vəziyyətdə olan tapanca tapıblar. Qeyibovun ailəsi bildirir ki, evdə belə birşey olduğundan heç kimin xəbəri yoxdur. Görünən odur ki, "Gürcü arzusu" artıq 26 oktyabr seçkilərində məğlub olacaqlarını anladıqları üçün, siyasi motivli həbslərə və böhtanlara əl atırlar. Məqsəd isə aydındır ki, siyasi partiyalara qoşulan aktiv insanları və əhalini qorxudub onlara təsir etməyə çalışırlar, lakin bunu bacarmayacaqlar. 26 oktyabr bu hakimiyyətin son günüdür və onlar bu seçkilərdə mütləq hakimiyyətdən gedəcəklər və bundan sonra, oxşar böhtanlar və həbslər Gürcüstanda bir daha təkrarlanmayacaq", - deyə Aqil Mustafayev bildirib.

www.24news.ge

Aqil Mustafayev: "Saqarecoda partiyamızın aktiv üzvü heç bir günahı olmadan polis tərəfindən saxlanılıb"

Digər xəbərlər