Xüsusi əməliyyat nəticəsində 14 nəfər saxlanılıb (VİDEO)

Əməliyyat-axtarış tədbirləri nəticəsində Tbilisi, Acarıstan və Kaxeti bölgəsində narkotik cinayətlərinə görə 14 nəfər saxlanılıb, onlardan 10 nəfəri narkotik alverçisidir. 24News.ge xəbər verir ki, bu barədə Daxili İşlər Nazirliyi məlumat yayıb. Agentliyin məlumatına görə, həbs edilənlər arasında Gürcüstan vətəndaşları ilə yanaşı xarici ölkə vətəndaşları da var. Hüquq mühafizə orqanı əməkdaşları təqsirləndirilən şəxslərin yaşayış evlərinə və avtomobillərinə baxış zamanı külli miqdarda pul, narkotik vasitələr və müxtəlif cihazları maddi sübut kimi müsadirə ediblər. Həmçinin narkotik ittihamı ilə həbs edilən 2 nəfərin üzərindən silah-sursat aşkar edilib. Faktla bağlı külli miqdarda narkotik vasitələrin qanunsuz əldə edilməsi və saxlanması həmçinin, qanunsuz olaraq Gürcüstan ərazisinə gətirilməsinə cəhd maddələri ilə istintaq başladılıb, saxlanılan şəxsləri 20 il və ya ömürlük həbs cəzası gözləyir.

www.24news.ge

Xüsusi əməliyyat nəticəsində 14 nəfər saxlanılıb (VİDEO)

Digər xəbərlər