Parlament seçkiqabağı sonuncu dəfə sentyabrın 17-də toplaşacaq

Parlamentin 10-cu çağırış deputatları iki qanunun yekun oxunuşunu təsdiqləmək üçün sentyabrın 17-də sonuncu plenar iclasına toplaşacaqlar. 24News.ge xəbər verir ki, bu barədə parlamentin sədri Şalva Papuaşvili bildirib. “Plenar iclasda iki qanuna - “Ailə dəyərlərinin və yetkinlik yaşına çatmayanların müdafiəsi haqqında” və “Amnistiya haqqında” qanuna üçüncü oxunuşda baxılacaq. Hələlik bu iki məsələ var və ona görə də plenar iclas üçün bizə bir gün – sentyabrın 17-si lazım gələcək və bununla da işi yekunlaşdıracağıq”, - deyə o bildirib. Papuaşvilinin sözlərinə görə, büronun ənənəvi iclası olmayacaq. Xatırladaq ki, Gürcüstanda parlament seçkiləri oktyabrın 26-da keçiriləcək.

www.24news.ge

Parlament seçkiqabağı sonuncu dəfə sentyabrın 17-də toplaşacaq

Digər xəbərlər