Baş nazir Prezidenti ittiham edib: "Zurabişvili Prezident deyil, Milli Hərəkatın kuklasıdır"

“Salome Zurabişvili Milli Hərəkatın kuklasıdır, nə deyirlərsə, onu səsləndirir. Hamı bunu çox yaxşı bilir". 24News.ge xəbər verir ki, bu sözləri baş nazir İrakli Kobaxidze partiyanın ofisində keçirdiyi brifinqdə deyib. Onun sözlərinə görə, Salome Zurabişvili Konstitusiyanı pozduqdan sonra faktiki olaraq Gürcüstanın Prezidenti deyil: “Salome Zurabişvili Gürcüstanın prezidenti deyil. O özü Konstitusiya Məhkəməsinin legitimliyini ona qarşı iddia qaldıranda tanıyıb. Konstitusiya Məhkəməsi Salome Zurabişvilinin qeyri-legitim prezident olduğunu, konstitusiyanı pozan prezident olduğunu müəyyən edib. Salome Zurabişvilinin prezident postunu formal olaraq qoruyub saxlamasının yeganə səbəbi (müxalif) "Milli Hərəkat"ı dəstəkləməsidir. Hamı bunu çox yaxşı bilir. Xaricilər də Salome Zurabişvilinin kim tərəfindən idarə edildiyini bilirlər. Ona görə də, onun dediklərinin heç bir dəyəri yoxdur. Salome Zurabişvili Milli Hərəkatın prezidenti və kuklasıdır, bu səbəbdən onun bütün bəyanatlarının dəyəri sıfırdır", - deyə baş nazir qeyd edib.

www.24news.ge

Baş nazir Prezidenti ittiham edib: "Zurabişvili Prezident deyil, Milli Hərəkatın kuklasıdır"

Digər xəbərlər